Iruñeko Udalak inkesta jarri zuen bere webgunean ea iruindarrek nor zuten maiteago Eguberrietan: Olentzero, Hiru Erregeak ala Bizarzuri. Asteburuan, Olentzeroren aldeko bozak nabarmen ziren aurretik. Baina arazoren bat gertatuko zen... inkesta eta emaitzak ezkutatu egin baitituzte "doiketak egiteko". Anartean, hautaketa posta elektronikoz egiteko proposatzen zuen udalak argitaratu mezuak.

Iruñeko udalaren webguneko portadan zegoen inkesta asteburuan. Euskaraz zein gazteleraz, gauza bera galdetzen zen.

Badirudi, dena den, inkesta sistema ondo dabilela. Inkesta zenbakia 20.a zen Olentzeroren kasuan, eta hori desagertu da, baina 19. inkesta, eta 18.a, eta aurreko guztiak, sarean daude.

Googlen, gainera, ebidentzia grafiko txiki bat aurkitu dugu bilaketa bat egin da. Katxea ez dabil, guk bilaketa egin dugun unean, baina Olentzeroren inkesta nonbait hor zela demostratzen du pantaila irudi batek. Olentzeroren aldeko botoak %88.9 ziren une horretan...

Hala ere, Googleren emaitza orri horrek berak ematen du gaztelaniazko inkestaren argazki moduko bat, nonbait beste une batean ateratakoa: Erregeen alde, %72 ziren orduan, eta baliteke, beraz, mezu elektronikoen bidezko kanpaina batek emaitza aldatu izana.