Joan den astean lehen bidezko merkataritzako merkatuak arrakasta ukan duelarik zendu zaigu Jean Pierre Guesquière. Duela zonbait urte Euskal Herriko Foro sozialean bidezko merkataritzari buruzko eztabaida batean ezagutu nuen. Gaiari buruz desadostasunean izanik, ukan ginuen harremana kexatze batekin hasi zen. Bidezko Merkataritzari buruz zuen iritzi argi eta zorrotza agertu zuen segidan. Alternatiba elkarteko kide guziak bezala garai hartan, bidezko merkataritza ezagutu ta bizi berri nuen. Jean-Pierre bera, Frantzia mailan Artisants du Monde-eko administrazaile zen, eta sareko denda antolatzen parte hartu zuen jada Baionan. Nahiz eta gu ttipi ta berri izan eta bera handi ta erraldoi, eztabaida sakonak ukan ginituen.

Geroztik, foro soziala berriz jinik, bidezko merkataritza eta supermerkatuak : kontraerran bat zenez galderari erantzun nahian elgartu ginen mahai inguruan euskal herrian bidezko merkataritza bultzatzen saiatzen ginen gehienak. Mahai inguru hortan, denak adostu ginen erraiteko kontra erran bat zela baina gehienek oraindik supermerkatuan erosketak egiten genituenez, arazoa pausatua gelditzen zela, eta bertan, supermerkatuaren abantailak dituen bidezko merkataritzako merkatu baten sortzeko ideia atera zen.

Elkarte desberdinak elkarturik, bilkuraz bilkura, proiektua zehaztu da. Lan ta lan eta azkenean existitzen den lehen bidezko merkatua sortzen lortua izan da. J-Pierre Guequière-ek ainitz eman du merkatu horrek funtziona dezan, maleruski ez du ukan berak hainbeste parte hartu duen lanaren emaitza ikusteko auker.

Bere argitasuna, jakitatea, zorrotztasunak gogoan ditugu betirako eta agian lortuko dugu berak hasitakoa bultzatzen segitzen. Merkatua sortu da Jean Pierrekin, Jean Pierre-i esker, baina dolu handia izan da jakitea zer ordutan joan zitzaigun, dolu jakitea merkatua nola ibili den ez duela entzunŠ

Hutsune handi bat sendituko da bidezko merkataritzako lanetan zugabe Jean Pierre.

Milesker izan zirenarengatik,

Milesker eman duzunarengatik.