Restaurant Magazine aldizkari britainiarrak egindako sailkapenean bi jatetxe euskaldun kokatzen dira munduko 10 onenen artean. Bederatzigarren tokian dago Donostiako Arzak jatetxea Juan Mari Arzak eta Elena bere alabak kudeaturik. Hamargarren tokian segitzen du Andoni Adurizenaren Errenteriako Mugaritz.

Beherago sailkapenean, 37. postuan, beste euskal sukaldari bat ospatua da, Martin Berasategi, Lasarte Orian duen jatetxearentzat.

Munduko onena ere ez da hain urruti geratzen, Kataluniako El Bulli da, Ferran Adria sukaldariaren etxea.

Sailkapenak munduko 50 jatetxe onenak zerrendatzen ditu. Horietarik 10 Frantzian kokatzen dira, 8 Estatu Batuetan, 6 Bretaina Haundian, 4 Italian, 3 Euskal Herrian, 3 Beljikan, 2 Espainian, 2 Australian, 2 Alemanian, 2 Hego Afrikan. Katalunia, Monaco, Holanda, Dinamarka, Finlandia, India, Suedia eta Brasilak ere bana jatetxe sailkatu badute.

Huna lehen hogoien zerrenda :

1 El Bulli, Katalunia,

2 The Fat Duck, Bretainia Haundia

3 Pierre Gagnaire, Frantzia

4 French Laundry, Estatu Batuak

5 Tetsuya, Australia

6 Michel Bras, Frantzia

7 Alain Ducasse - Le Louis XV Monaco

8 Per Se New York

9 Arzak Euskal Herria

10 Mugaritz Euskal Herria

11 El Raco de Can Fabes, Espainia

12 Nobu, Londres

13 Gambero Rosso, Italia

14 Gordon Ramsay, Londres

15 Alain Ducasse - Plaza Athenee, Parise

16 Jean Georges, New York

17 Le Cinq, Frantzia

18 Daniel New York

19 Oud Sluis Holanda

20 Chez Panisse, Estatu Batuak