Heldu den astelehenean, uztailak 4an, hasiko dira UEUko Biarritzeko ikastaroak Ostalaritza lizeoan "Atea irekita daukazu" lelopean. Mixel Berhokoirigoinek, Euskal Herriko Laborantza Ganbarako lehendakariak idekiko ditu ikastaroak. Ondotik, Literatura, Musika, Natur Zientziak, Pedagogia, Psikologia, Sexologia eta nazioarteko eta sendabelarren inguruko gaiek hartuko dute txanda. Ikasgaiekin batera kultur-saioak ere izanen dira: hitzaldiak, zinema, umorea, musika eta beste hainbat kondu. Lehen eguneko aipagaien artean literaturan, euskal gatazka euskal literaturan izanen du aipagai Aingeru Epaltza idazleak.

Aitzpea Azkorbebeitia literatur kritikoak Joseba Sarrionaindiaren obra izanen du aipagai..

Gauez, zinema mutuaren garaira itzuliko da UEU, pianoz langudutako filma batekilan. Xabier Perez Azpeitia pianojolea Fito Rodriguezen azalpenekin lagundua izanen da.

Jardunaldiek aste osoa iraunen dute.